Përmes njoftimit, Ministria ka bërë të ditur se kjo është bërë pas një rrëshqitjeje të gurëve të dielën në këtë rrugë.
“Sot rreth orës 9 të mengjesit, në rrugën Nacionale N 22.3, segmenti Mitovicë – Jarinje, lokacioni i njohur si ‘Shkëmbi i Kajushes’ kanë rrëshqitur gurët dhe është mbyllur rruga. Ministria e Mjedisit Planifikimit Hapësinor dhe Infrastrukturës në bashkëpunim me Policinë e Kosovës ka ndërmarrë veprimet për sanim të gjendjes’, thuhet ndër tjerash në njoftim.
Tutje, MMPHI ka apeluar që qytetarët të mos i drejtohen më këtij segmenti ose të kërkojnë rrugë alternative për shkak se ekziston rreziku për rrëshqitje të reja.
“Aktualisht një shirit i rrugës është aftësuar për kalim por meqenëse ekziston rreziku permanent për rrëshqitje të reja, ky segment i rrugës është mbyllur për qarkullim. Luten qytetarët që ose të mos i drejtohen këtij segmenti, ose të kerkojnë rrugë alternative deri në një njoftim të ri”, njofton Ministria./teve1.info/
