Kjo për shkak se serbët natën e së martës barrikaduan rrugën që të sjell në këtë pikë kufitare.
30 km nga pika kufitare në Merdarë në fshatin Kurshumlij të Serbisë, serbët kanë ngritur një tjetër barrikadë. Kjo ka bërë që kjo pikë kufitare, të mbyllet përkohësisht të martën mbrëma.
E mbyllja e përkohshme e kësaj pike kufitare, bëri që mërgimtarët të kërkojnë alternativa.
“Nëse nuk na lejojnë këndej, duhet me u kthy për Shqipëri – Mal të Zi – Kroaci”, tha mërgimtari Naim Latifi.
Madje thonë se në të ardhmen nuk do të kthehen në vendlindje përmes shtetit serb.
“Jo, më mirë më gjatë 200 km andej sesa me i ra nëpër Serbi përsëri”, shtoi ai.
E të mërkurën në Merdarë, doli edhe kryetari i Komunës së Podujevës, Shpejtim Bulliqi.
“Vetëm Serbia mundet me i ba këto…”, tha ai.
Por, Bulliqi thotë se barrikada në Kurshumli, ka edhe anët e saja të mira.
“Kamionët me mallra serbe nuk do të hyjnë në Kosovë”, shtoi ai.
Ndërsa për gazetarët, kishte goxha një porosi.
Në këtë vendkalim mes Kosovës dhe Serbisë, të mërkurën u panë edhe mediat serbe.
Ndërkohë për të hyrë në Kosovë, nga ana e Serbisë po prisnin dhjetëra kamionë me mallra.
Ndryshe, barrikadës së Serbëve në Kurshumli, po iu prinë Dejan Millosheviq.
Ky i fundit njihet për grumbullimin e ushtarëve serbë, ndërsa i përket shoqatës “Regjimenti i Hekurt”.
Kronika e gazetarit Fidan Zejnullahu.