Pas kërkesës së kryetarit të Komunës së Leposaviqit, Policia e Kosovës sot ka asistuar në lirimin e hapësirave të uzurpuara të kësaj komune.
Policia e Kosovës thotë se këto hapësira në pronësi të Komunës së Leposaviqit ishin të uzurpuara nga institucione paralele të Serbisë, që funksiononin jashtëligjshëm në Republikën e Kosovës.
“Me këtë rast, në kuadër të këtij operacioni policor, janë mbyllur institucionet paralele të Serbisë të ashtuquajtura ‘Zyra për Punësim’, ‘Zyra e Pensioneve’ dhe ‘Ndërmarrja hoteliere Kopaonik’, në kuadër të të cilave kanë funksionuar disa zyra. Policia e Kosovës, në bashkëpunim dhe në koordinim me autoritetet përkatëse, do të ndërmarrë të gjitha veprimet e nevojshme sipas legjislacionit në fuqi”, thuhet në njoftim./teve1.info/
Mbyllet kompania paralele e ujësjellësit dhe mbeturinave në Shtërpcë
