Fillimisht u largua tabela e shkruar me shkronja cirilike.
Pastaj edhe flamujt serbë.
Kështu nisi të premten aksioni i Policisë së Kosovës në Zubin Potok, në këtë qendër për punë sociale, e cila ishte përdorur nga strukturat paralele serbe.
E shiriti iu vendos edhe objektit në lagjen e Boshnjakëve.
Detaje për këtë aksion dha për televizionin zëvendësdrejtori i Policisë për rajonin e veriut, Veton Elshani.
E kryesuesi i Kuvendit Komunal të Mitrovicës së Veriut, Nexhat Ugljanin bëri të ditur se në këtë komunë janë larguar 14 punëtorë nga qendra për punë sociale.
Momentin e largimit të punonjësve në veri të Mitrovicës e tregoi për tëvë1 një qytetar i Lagjes së Boshnjakëve.
“Dje ka punuar sot jo, kanë nxjerrë disa gjëra nga aty i kanë dërguar në drejtim të stacionit të autobusëve. Nuk di tjetër çfarë të them”, tha një qytetar.
Të gjitha materialet në të katër qendrat në katër komunat veriore janë konfiskuar, ndërkaq përgjegjësit janë intervistuar, të cilët sipas Policisë pritet të lirohen në procedurë të rregullt.
Pas provave të dorëzuara për hetim, pritet të merret vendim edhe nga Prokuroria.
