Policia e Kosovës i ka mbyllur gjashtë pika të Bankës Postare të Kursimeve në katër komunat veriore të Kosovës, raporton teve1.info
Lajmin për Tëvë1 e konfirmoi zëvendësdrejtori i Policisë së Kosovës për veri, Veton Elshani.
Policia e Kosovës, paraprakisht ka kryer aksion në filialet e Bankës së Kursimeve në katër komunat në veri të Kosovës, Mitrovicë e veriut, Leposaviq, Zveçan dhe Zubin Potok.
“Në bazë të informacioneve të pranuara se në disa biznese në Veri të vendit është duke u zhvillu veprimtari e kundërligjshme, me autorizim të prokurorit kemi ndërhy dhe të njëjtat jemi duke i kontrolluar. Me neve është edhe ATK”, ka thënë Elshani.
Në aksion po marrin pjesë edhe ushtarët e KFOR-it.
Policia po e interviston përgjegjësin e Bankës Postare të Kursimeve në veri të Mitrovicës, Igor Radica.
