Inspektorati Shëndetësor ka mbyllur këtë javë tetë institucione shëndetësore private që operonin pa licencë, në kuadër të inspektimeve të rregullta.
Përmes një postimi në Facebook, ministri në detyrë i Shëndetësisë, Arben Vitia ka lavdëruar punën e Inspektoratit Shëndetësor në këtë aspekt. Sipas tij, falë punës së këtij inspektorati, po garantohet respektimi i ligjit dhe standardeve të shërbimeve shëndetësore.
“U bëjmë thirrje të gjitha institucioneve që ofrojnë shërbime shëndetësore të respektojnë ligjin dhe të veprojnë sipas rregullave. Shëndeti i qytetarëve nuk mund dhe nuk do të lejohet që të rrezikohet nga veprimtari të paligjshme,” thuhet në njoftim.
“Faleminderit Inspektoratit Shëndetësor dhe të gjithë inspektorëve për punën e përditshme dhe të palodhshme”, ka shkruar Vitia./teve1.info/
