Një nxënëse nga gjimnazi “Bedri Pejani” në Pejë nuk është lejuar të hyjë në shkollë për shkak të mbulesës. Është java e katër që A.D 18 vjeçare nuk po ndjekë mësimin për shkak të një udhëzimi administrativ që ndalon bartjen e uniformave fetare. Për këtë imami, Labinot Maliqi kërkoj që ky udhëzim të shfuqizohet dhe vajza në fjalë të rikthehet në shkollë.
Viti i ri shkollor nuk filloj për një 18 vjeçare në Pejë.
A.D u përjashtua nga gjimnazi “Bedri Pejani”, për shkak se ajo vendosi shaminë.
Krejt kjo pasi udhëzimi administrative i cili është në fuqi ndalon bartjen e uniformave fetare në shkolla.
Drejtori i arsimit në Komunën e Pejës thotë se nuk ka pranuar ndonjë kërkesë zyrtare për përjashtimin e 18 vjeçare nga shkolla ani pse në fillim të vitit kishte biseduar me drejtorin e shkollës nga i cili kishte kërkuar zbatimin e udhëzimit administrativ.
“Zyrtarisht më herët jam njoftuar prej drejtorit se një vajzë është ka vjen me shami i kamë thënë që është udhëzimi administrativ që e rregullon këtë çështje. Pas një jave maturantët kanë shkuar në ekskursion dhe pas ekskursionit nuk kam asnjë informacion zyrtar as prej shkollës as prej prindërve që është largu. Më se pari çështjen e shqyrton shkolla me pastaj shkolla mundet me mu drejtu me një kërkesë por edhe pala mundet me mu drejtu por zyrtarisht nuk kam ndonjë kërkesë dhe nuk po e shoh të arsyeshme me u marrë më këtë çështje”, shprehet Naser Gega, drejtor i Arsimit në Komunën e Pejës.
E për këtë arsye, Drejtori ekzekutiv i Qendrës Kosovare për Paqe, Labinot Maliqi të hënën mbajti një konferencë para Ministrisë së Arsimit ku kërkoj që të bëhet shfuqizimi i këtij udhëzimi si dhe 18 vjeçarja të rikthehet në bankat shkollor.
“Shpresoj dhe urojë që drejtori i shkollës “Musa Nikqi” në gjimnazin “Bedri Pejani”do ju bashkohet kolegëve të tij, dhe të kuptoj që një nxënëse e asaj mosh mund të vendos vetë për jetën e vet. Nuk dëshiroj që vajza A.D të shpërngulet në Prishtinë apo ndonjë komunë tjetër ku stafi i këtyre shkollave nuk e sheh problem bartjen e shamisë. Bëjë thirrje institucioneve përgjegjëse të shfuqizojë paragrafin 1.13 të nenit 3 të udhëzimit administrativ 06/2010-14 që padyshim do ndalë keqkuptimet dhe përçarjet në shoqërinë kosovare”, tha ai.
Por ky nuk është rasti i vetëm, ku vajzat janë përjashtuar nga shkolla për shkak të mbulesës.
“Vetëm unë që jam njoftuar nga familjaret gjatë këtyre viteve i kam pasur mbi 50 raste në nivel të Kosovë dhe të gjitha me ndërmjetësim me mirëkuptim janë kthyer përsëri në shkollë duk bartë shaminë e tyre prandaj kemi këtë rast që urojmë që së shpejti kjo vajzë ministrja Nagavci të kthejë në shkollë”, u shpreh Maliqi.
Për këtë rast madje, Prokuroria ka nisur edhe hetimet.
“Ne kemi hapur rast që eventualisht a ka elemente të veprës penale mos lejimit e vajzës për të shkuar në shkollë për këtë rast prokurori i shtetit pasi që ta pranoj rastin do ta analizoj a ka elemente të veprës penale dhe në rast se ka elemente të veprës penale do të merren masat ligjore, në rast se nuk ka elemente të veprës penale do të udhëzohet që të merren masat administrative”, tha zëdëhënsi i Prokurorisë, Shkodran Nikçi.
Për avokatin, Asdren Bytyqi, udhëzimi administrative i cili ndalon bartjen e uniformave fetare është në kundërshtim me Kushtetutën e Kosovës.
“Udhëzimi administrativ për shkollat e mesme i cili përfshinë edhe çështjen e kufizimit të uniformave fetare është i kundërligjshëm madje është edhe kundër kushtetues për arsye se me ligjin për arsim nuk mund të kufizohet për asnjë shkak e drejta e drejta e arsimit në nivelin e ulët dhe të mesme”, tha avokati Bytyqi.
Tëvë 1 ka provuar të marr një qëndrim përmes telefonit edhe nga drejtori i shkollës por nuk ka qenë i qasshëm gjatë ditës.
