Franca ka pasur telashe për të shënuar gola në “Euro 2024” por meritat më të mëdha për kualifikim në çerekfinale të këtij turneu i ka mbrojtja e çeliktë.
Francezët ende nuk kanë shënuar gol nga loja e hapur në Evropian kurse në mesin e 8 kombëtareve më të mira janë kualifikuar falë një penalltia të Kylian Mbappet dhe autogolit të belgut Jan Vertonghen.
Megjithatë, trajneri Didier Deschamps mbështetet në mbrojtjen e tij, e cila deri më tani ka pranuar vetëm një gol dhe atë nga penalltia në barazimin 1:1 me Poloninë në fazën e grupeve.
Në “Euro 2024”, Franca së bashku me Spanjën ka mbrojtjen më të mirë edhe pse qendërmbrojtësit William Saliba e Dayot Upamecano nuk kanë luajtur së bashku në sistemin me katër mbrojtës para miqësores me Kanadanë muajin e shkuar.
Ndjenja e Salibas për të ndërprerë aksionin dhe forca e Upamecanos janë treguar shumë solide për kundërshtarët e Francës deri më tani.
Jules Kounde ka impresionuar në krahun e djathtë, ndërsa Theo Hernandez në të majtin është lojtari kyç i Francës në “Euro 2024”.