Emmerson, ka deklaruar se kjo do duhej të jetë mënyra e vetme e duhur për të përfunduar këtë proces.
”Ne mbesim prapa asaj që prokurorisë duhet dhënë një vit kohë, dhe një vit edhe neve, sepse kjo është mënyra e vetme e menaxhueshme, sepse në të kundërtën do të merrte shumë kohë për gjykim kjo çështje”, ka thënë ai.
Ndërkohë, mbrojtja e Veselit ka bërë sot paraqitjen e radhës në mbrojtje të klientit të tij, duke paraqitur para të pranishmëve qëndrimin e prerë të tyre.
“Zotëri Kadri Veseli ka dhënë mesazh të fortë, të qartë për të gjithë që “të gjithë duhet të bashkëpunojnë me Dhomat e Specializuara, se askush nuk duhet të mendojë se mosbashkëpunimi është një kauzë që ndihmon të akuzuarit”. Ai më tej ka kërkuar specifikisht të theksojë këtë pjesë të deklaratës që e ka bërë në momentin e arrestimit të tij dhe në seancën e parë. Ai ka kërkuar që të gjithë të jenë bashkëpunues”, u shpreh Emmerson.
Ai po ashtu ka thënë se UÇK-ja nuk ishte një organizatë e strukturuar, por një lëvizje popullore.
”UÇK-ja ishte një lëvizje e njerëzve, një përpjekje për të mbrojtur popullsinë civile, për ta mbrojtur nga aktet çnjerëzore nga forcat serbe”, theksoi ai.
