Mbrojtja e Rexhep Selimit, po vazhdon të mërkurën me marrjen në pyetje të dëshmitarit të katërt (me kodin 4748), në Dhomat e Specializuara të Kosovës (DhSK), në gjykimin ndaj Selimit, Hashim Thaçit, Kadri Veselit dhe Jakup Krasniqit.
Kryetari trupit gjykues, Charles L. Smith njoftoi se do të vazhdojnë në seancë private.
“Sot vazhdojmë me pyetjet nga pala mbrojtëse është ekipi i Selimit do të kalojmë në seancë private”, tha ai.
Ndërsa, mbrojtja e Kadri Veselit i ka përfunduar dje pyetjet për dëshmitarin e katërt, por edhe trupi gjykues i ka pranuar kërkesën që të shtohen disa dokumente tjera si prova, raporton KP.
Gjykimi ndaj ish-krerëve të UÇK-së ka nisur më 3 prill me deklaratat hyrëse të palëve.
Para trupit gjykues, Thaçi, Veseli, Selimi dhe Krasniqi janë deklaruar të pafajshëm për akuzat për krime të pretenduara të luftës. Ata ndodhen në qendrën e paraburgimit në Hagës prej nëntorit të vitit 2020.
