Ata theksuan edhe redaktimet e shumta te pjesa e identiteteve të viktimave dhe lokacionet ku dyshohet se janë kryer krime lufte. Për këtë, mbrojtja iu drejtua Gjykatës.
“Sa i përket përfshirjes së z. Thaçi në krimet e akuzuara, gjyqtari i procedurës paraprake vëren se Mbrojtja e Thaçit kundërshton paragrafët 68, 93, 105, 157 dhe 174 të aktakuzës së zgjeruar. Gjyqtari i procedurës paraprake rikujton se të akuzuarit janë nën pretendime për përgjegjësi për akuzat e reja: nëpërmjet pjesëmarrjes së tyre në ndërmarrjen e përbashkët kriminale dhe/ose si ndihmës dhe bashkëpunëtorë; dhe/ose si eprorë për krimet e kryera nga vartësit e tyre. Por, asnjëra prej këtyre mënyrave nuk përmban një element ku i akuzuari ka pasur rol të drejtpërdrejtë në kryerjen e krimeve”, thuhet në ankesën e mbrojtjes.
Rrjedhimisht, u mor vendim që organi akuzues t’i heq disa redaktime nga aktakuza e zgjeruar deri më 30 tetor.
“Urdhërohet ZPS-ja të shtojë emrat e autorëve të drejtpërdrejtë në paragrafët 105, 157 dhe 174 të aktakuzës së zgjeruar; urdhërohet ZPS-ja që të shtojë emrat e viktimave përkatëse në paragrafë 68, 93 dhe 105 të aktakuzës së zgjeruar; urdhërohet ZPS-ja të shtojë vendndodhjet përkatëse në paragrafët 68 dhe 105 të aktakuzës së zgjeruar”, thuhet në vendim.
Si veprim i vonuar karshi Zyrës së Prokurorit të Specializuar po vlerësohet nga avokati Skender Musa.
Më 22 prill të këtij viti, u zgjerua aktakuza ndaj Thaçit, Veselit, Krasniqit e Selimit, e cila përfshinte pretendime për vepra të kryera në Semetisht, Budakovë dhe Gjilan.
Raporti i gazetares Florijeta Dernjani.