Në vetëm ndeshjen e tij të dytë, te skuadra e re, Leard Sadriu, mbrojtësi i Kosovës, ka realizuar gol në kampionatin e Rumanisë.
24-vjeçari i cili javë më parë kaloi nga Mura e Sllovenisë te Arges Pitesti i Rumanisë, e ka nisur suksesshëm sezonin e ri, me skuadrën e re.
Duke qenë si titullar, ai në minutën e 36-të realizoi golin e parë të skuadrës, duke e barazuar rezultatin në 1:1.
Ekipi i tij ia doli të shënoj edhe dy herë të tjera për të udhëheq 3:1 në ndeshjen e dytë të sezonit, në ligën elite të Rumanisë.
Sadriu është përfaqësues i Kosovës dhe e ka zhvilluar një ndeshje me “Dardanët”.
