Mbreti i Britanisë së Madhe Charles III të dielën bëri paraqitjen e parë publike që nga diagnostifikimi i tij me kancer. Ai u pa teksa mori pjesë në një shërbesë kishtare së bashku me gruan e tij, mbretëreshën Camilla.
I buzëqeshur eci së bashku me gruan e tij dhe përshëndeti mediet të dielën.
Kjo është paraqitja e parë publike e mbretit të Britanisë së Madhe Charles III që kur Pallati Buckingham njoftoi se ai është diagnostifikuar me kancer.
Charles III u pa duke lënë një shërbesë kishtare të dielën, një ditë pasi ai shprehu falënderimet për mesazhet e mbështetjes që mori nga publiku pas diagnozës së tij me kancer.
Në një deklaratë të lëshuar të shtunën vonë, monarku tha se mesazhet e mbështetjes nga publiku kishin qenë “ngushëllimi dhe inkurajimi më i madh”.
“Është inkurajuese të dëgjosh se si diagnostifikimi i sëmundjes time ka ndihmuar në promovimin e mirëkuptimit publik dhe ndriçimin e punës së të gjitha atyre organizatave që mbështesin pacientët me kancer dhe familjet e tyre në mbarë Mbretërinë e Bashkuar dhe më gjerë”, tha ai.
Mbreti Charles është diagnostikuar me kancer derisa ka qenë duke u trajtuar në Londër për një komplikim tjetër shëndetësor.
Ai i ka pezulluar të gjitha paraqitjet publike derisa është duke u trajtuar për kancer.
Ndërkohë Princi Uilliam, trashëgimtari i fronit, si dhe mbretëresha Camilla pritet të marrin më shumë angazhime publike në Mbretërinë e Bashkuar në mungesë të monarkut. /Tëvë 1/
