Real Madridi nuk arriti ta përmbys Arsenalin dhe epërsinë e lartë të londinezëve nga ndeshja e parë, duke u eliminuar në çerekfinale të garës evropiane.
“Gunners” shkuan në gjysmëfinale të Championsit, pasi edhe në ndeshjen e kthimit në Bernabeu triumfuan me rezultat 1:2 dhe me rezultat të përgjithshëm 1:5, mënjanuan kampionin evropian, duke shkaktuar njërën nga befasitë më të mëdha të kësaj faze.
Në Madrid dhe në prani të mbi 80 mijë shikuesve, Arsenali shpërdoroj një penallti në pjesën e parë me Bukayo Sakan që gaboi nga 11-metërshi. Penallti fituan edhe vendësit, por që VAR-i e shfuqizoj atë duke mos e gjykuar ndërhyrje në zonë, mbajtjen me duar të Declan Rice ndaj Kylian Mbappes.
Në pjesën e dytë, brenda dy minutave ekipet realizuan nga një gol. Saka shënoj për Arsenalin në minutën 65, një gol të bukur duke e paraboluar portierin Courtois, ndërsa u kundërpërgjigj Vini Jr. duke përfituar nga një gabim i Salibas pranë portës.
Goli i Martinellit në kohën shtesë vetëm konfirmoj Arsenalin në gjysmëfinale, atje ku ekipi i Mikel Artetës do të luaj kundër Paris St. Germainit.
