Kryesia e Kuvendit të Republikës së Kosovës, ka paralajmëruar mbledhjen e radhës në të cilën do të jenë në rend dite dhjetëra pika të seancave të kaluara.
Si pikë e rendit të ditës është interpelanca e Kryeministrit të Republikës së Kosovës, Albin Kurti, në lidhje me çështjen: “Siguria juridike e grave në rastet e dhunës në familje dhe përgjegjësia e organeve shtetërore në parandalimin edhe luftimin e krimeve ndaj grave dhe vajzave”.
Sipas njoftimit të Kuvendit, po ashtu do të bëhet shqyrtimi i Planit Hapësinor për Parkun Kombëtar “Bjeshkët e Nemuna”, shqyrtimi i Propozim-rezolutës për shpenzimet e parasë publike për dy vite mandat të Qeverisë së Republikës së Kosovë.
Kryesia po ashtu do të vendos për propozimin e rendit të ditës për seancën plenare të radhës, ku në rend ditë është shqyrtimi i parë i Projektligjit nr.08/L-228 për Zgjedhjet e Përgjithshme në Republikën e Kosovës, etj.
