Me 120 vota pro është votuar për përpilimin e raportit të ri për verifikimin e mandateve nga Komisioni i njëjtë.
Anëtarët e Komisionit kanë kohë 30 minuta që të përpilojnë raportin e ri të Komisionit për verifikimin e mandateve dhe të kuorumit.
“Konstatojmë se 120 deputetë të gjithë janë për Komisionin e njëjtë, lus anëtarët e Komisionit për 30 minuta të mblidhen dhe të përpilojnë raportin e ri të Komisionit për verifikimin e mandateve dhe të kuorumit”, ka thënë kryesuesi i Kuvendit, Avni Dehari.
Dehari po ashtu ka njoftuar se në takimin konsultativ para vazhdimit të seancës konsultative partitë kanë rënë dakord ta votojnë unanimisht raportin.
“Në takimin konsultativ me subjektet politike për të zhbllokuar situatën në të cilën kemi ngecur kemi ardhur në përfundim se jemi të pajtimit që me votë unanime të votohet Raporti në Komision dhe në seancën që të mund të vazhdojmë tutje”, ka deklaruar ai.
