Pavarësisht dëmtimit dhe mbishkrimeve në një shtëpi, puna për rindërtimin e shtëpive po vazhdon
Rindërtimi i shtëpive të shqiptarëve në lagjen Kroi i Vitakut në Mitrovicën Veriore po vazhdon. Por, natën e së shtunës në njërën nga to dikush la një mbishkrim në gjuhën serbe si dhe dëmtoi pjesërisht jërin mur të shtëpisë. Rastin e kanë konfirmuar edhe në Policinë e Kosovës.
Për afër 15 vjet banoi në këtë shtëpi.
E nga kjo, u nxor me forcë me 24 mars të vitit 1999.
Është ky Ramadan Istrefi, njëri nga ish-banorët shqiptar të lagjes Kroi i Vitakut në Mitrovicën e Veriut.
“Me 24 mars qat natë që ka ra bomba e parë e NATO-s në Serbi, nesër në mëngjes neve na kanë përzënë prej këtu, dhe sot e asaj dite unë jetoj nëpër shtëpia poshtë e përpjetë”, ka thënë Ramadan Istrefi, ish-banor i lagjës Kroi i Vitakut.
Istrefi thotë se në vendbanimin e tij u mbajtën shumë organizime politike të asaj kohe.
Por, në kohën e luftës, shtëpia e Istrefit pati fatin e njëjtë me objektet e tjera në të cilat banonin shqiptarët.
E zhurma e mjeteve të punës po dëgjohet edhe një herë në Kroin e Vitakut.
Kjo pasi së fundmi ka filluar rindërtimi i shtëpive të shqiptarëve në këtë lagje.
Këtë fat e pati edhe nipi i Ramadan Istrefit.
Ramadan Istrefi, ish-banor i lagjës Kroi i Vitakut.
“Prej qasaj dite kurrë jemi kthyer vetëm në shtëpi të kallta, e këtu po nihna fortë mirë por pak e kam një dhimbje që vëllai im nuk ka pas ymër me u kthye edhe një herë në shtëpinë e vet, sepse vëllai ka vdekur”, ka thënë Istrefi.
Por, duket se jo të gjithë janë pajtuar me idenë që shqiptarët të kthehen në shtëpitë e tyre.
Pasi natën e së shtunës në njërën nga shtëpitë, dikush la këto mbishkrime në gjuhën serbe.
Ramadan Istrefi, ish-banor i lagjës Kroi i Vitakut
“Qatyne që i kanë vrarë shqiptarët, fëmijët, pleqtë, atyre ju pengon”, u shpreh ish banori Istrefi.
Rastin e kanë konfirmuar edhe në Policinë e Kosovës
“Ka një dëmtim kriminal, ka pasur dëmë të vogla materiale në një shtëpi e cila është duke u ndërtuar, por këto janë normale nuk është dicka që ndikon në situatën e sigurisë në Veri. Ne jemi duke e hetuar rastin dhe hetime vazhdojnë”, thqa zëvendësdrejtori i Policisë së Kosovës për Veri, Veton Elshani.
Në fund, zv/drejtori i Policisë së Kosovës në Veri, Veton Elshani, ka thënë se situata në veriun e vendit po vazhdon të jetë e qetë.
