Më shumë se 9,000 njerëz janë raportuar të zhdukur në Gaza që nga fillimi i luftës, sipas Wall Street Journal, duke cituar Komitetin Ndërkombëtar të Kryqit të Kuq, njofton Middle East Eye.
Ndërsa fati i rreth 2,400 është konfirmuar, rreth 7,000 raste mbeten të pazgjidhura, dhe Kryqi i Kuq beson se shumë të tjera ende nuk janë raportuar. Shumë prej të zhdukurve mendohet se janë varrosur nën rrënoja, ndërsa të tjerët ka të ngjarë të jenë arrestuar nga Izraeli pa u njoftuar familjet e tyre, thuhet në raport.
Në ndërkohë teksa pritet të mbahet takimi në Uashington mes presidentit amerikan dhe kryeministrit izraelit, administrata Trump kërkoi miratimin e Kongresit për një transferim armësh prej 1 miliard dollarësh në Izrael, duke përfshirë bomba, buldozerë të blinduar dhe pajisje të tjera ushtarake, raportoi The Wall Street Journal.
