Kryetari i Prishtinës, Përparim Rama, ka nënshkruar tri marrëveshje në vlerë mbi 75 milionë eurove për financimin e projektit “Solar 4 Kosovo”, me të cilin do të shtrihet rrjeti i ngrohtores së qytetit në lagjen Arbëria dhe atë Tophane, raporton teve1.info
Përmes një komunikate për medie, Komuna e Prishtinës ka njoftuar se projekti “Solar 4 Kosovo” financohet nga grantet e Qeverisë Gjermane dhe BE-së nëpërmes Bankës Gjermane për Zhvillim (KfW) në vlerë të 31.6 milionë eurove dhe 21.5 milionë eurove, si dhe nga një kredi e butë nga BERZh-i në vlerë të 23.2 milionë eurove.
“Bazuar në këtë marrëveshje BERZh do të financojë me një kredi prej 23.2 milion euro projektin “Solar 4 Kosovo”, i cili do të jetë një nga më të mëdhenjtë në Evropë dhe i pari në rajon, që do të sigurojë kapacitete shtesë termike, përmes shfrytëzimit të energjisë diellore.
Nëpërmjet vendosjes së paneleve solare në një hapësirë prej 58 mijë metrave katrorë do të rriten kapacitetet për 50 MË për të furnizuar me ngrohje edhe 12 mijë konsumatorë të rinj.
Realizimi i këtij projekti do të mundësojë zgjerimin e rrjetit të ngrohjes edhe për një pjesë të lagjes “Arbëria” dhe “Tophane”.
Projekti “Solar 4 Kosovo” financohet nga grantet e Qeverisë Gjermane dhe BE-së nëpërmes Bankës Gjermane për Zhvillim (KfW) në vlerë të 31.6 milionë eurove dhe 21.5 milionë eurove, si dhe nga një kredi e butë nga BERZh-i në vlerë të 23.2 milionë eurove”, thuhet ndër të tjera në komunikatën e Komunës.
