Kjo dukuri, sipas Policisë së Kosovës është shqetësuese për tregun, ngase arritja tek to nuk është e vështirë.
E si pasojë e kësaj, shumë ndërmarrje edhe kanë ndaluar pranimin e një lloji të tyre.
Falsifikimi i parasë, sipas kornizave ligjore është vepër penale.
Andaj, njohësi i çështjeve ligjore, Anton Nrecaj, thotë se institucionet gjegjëse duhet të vihen në lëvizje.
Nga shoqata e bankave të Kosovës, rekomandojnë kryerjen e shërbimeve të pagesave në formën digjitale.
Megjithatë përmes një përgjigje elektronike, kryeshefi ekzekutiv në këtë shoqatë, Petrit Balija shpalos statistikat e monedhave falëse që hasin më së shumti.
“Sa i përket qarkullimit të monetave false shihet se banknotat prej 50 euro dhe 100 euro dominojnë sa i përket parasë së falsifikuar, kemi diku rreth 166 banknota prej 100 Euro që kanë qarkulluar dhe 235 banknota prej 50 euro, e pastaj te tjerat përbejnë një numër më të vogël. Përveç banknota kemi edhe monedha te hekurit e më e shpeshta është ajo prej 2 Euro, ka 2205 monedha te tilla dhe 865 monedha 1 euroshe, bashkërisht 60211 Euro gjate vitit 2022”, ka thënë ai.
Policia e Kosovës gjithashtu ka bërë të ditur se gjatë vitit 2021, janë iniciuar dhe trajtuar 866 raste të falsifikimit të parave.
Kronika e realizuar nga Valëza Sylejmani
