Ky është edicioni i 22-të dhe do të zgjatë deri me datën 12 qershor. Në këtë panair janë rreth 2000 tituj të rinj.
Panairit të librit, në edicionin e 22-të, iu ofruan rreth 6 mijë tituj të viteve të fundit prej mbi 100 shtëpive botuese nga Kosova, Shqipëria, Maqedonia e Veriut por edhe diaspora.
‘’Mbi 100 botues prezantojnë librat e tyre për çdo moshë, çdo lexues e çdo të interesuar. Libri është mjet prej së cilës mendjet e ndritura komunikojnë me ne”, tha Edon Zeneli – Kryetar i shoqatës së botuesve të Kosovës
Entuaziastë për fillimin e këtij panairi u shprehën botuesit.
Mirëpo mbështetja për librin, sipas ministrit të Kulturës, Hajrullah Çeku do të rritet edhe më shumë.
“Në këtë kuadër ne po punojmë për një politikë të re të kulturës, për një reformë të re ligjore dhe institucionale ku bënë pjesë edhe veprimtaria botuese, ku bënë pjesë edhe libri por edhe nxitja e lexueshmërisë dhe përkthimi”, tha ministri Çeku
Këtë ngjarje e vlerësoi lart edhe nënkryetari i Prishtinës, Alban Zogaj.
E shkrimtarit francez, Claude Arnaud i ka lënë përshtypje numri i madh i shkrimtarëve.
‘’Ju botoni shumë libra dhe lexoni, kjo më gezon shumë”, tha ai.
Panairi i cili zgjat deri më 12 qershor, do të jetë i hapur për vizitorë çdo ditë nga ora 09:00 deri në orën 20:00.
Kronika e realizuar nga gazetarja Albiona Hajdari
