Numri i vdekjeve nga përmbytjet të cilat goditën Indonezinë javën e kaluar ka arritur në më shumë se 500, me ekipet e shpëtimit që ende po luftojnë për të arritur në zonat e prekura, ka raportuar BBC.
Përmbytjet, të cilat u shkaktuan nga një ciklon i rrallë që ishte formuar mbi ngushticën e Malakës, kanë goditur tre provinca dhe kanë prekur rreth 1.4 milion njerëz, sipas agjencisë qeveritare të fatkeqësive.
500 persona të tjerë mbeten të zhdukur, ndërsa mijëra të tjerë janë plagosur.
Indonezia është vetëm një pjesë e Azisë që është goditur nga shira të rrëmbyeshëm dhe stuhi në ditët e fundit, me Tajlandën, Malajzinë dhe Sri Lankën që gjithashtu raportojnë vdekje.
