Mbi 3 mijë e 600 shtetas të huaj kanë ardhur të punësohen gjatë vitit 2023 në Kosovë.
Sipas Institutit GAP, leje pune kanë marrë 1,004 shtetas turq, 722 shtetas të Bangladeshit, 465 shtetas serbë e 440 nga Shqipëria.
Ky institut ka njoftuar se krahasuar me vitin 2022, ka pasur një rritje prej 22.4 për qind të numrit të lejeve të lëshuara.
Në vendet e origjinës së qytetarëve që kanë marrë leje pune në Kosovë gjatë vitit të kaluar prin Turqia dhe Bangladeshi.
Ndërkohë, numër më i ulët i punëtorëve është regjistruar nga Maqedonia e Veriut me gjithsej 211, 144 nga Shtetet e Bashkuara, 70 nga Filipinet, 61 nga Gjermania e 43 nga Mali i Zi./teve1.info/
