Padia është dorëzuar për mosrespektim të Kontratës Kolektive të nënshkruar nga Qeveria e Kosovës.
Kryetari i Asociacionit të Komunave të Kosovës, Sazan Ibrahimi, para dorëzimit të padisë tha se nga mosrespektimi i kësaj kontrate, vlera e dëmit ndaj buxhetit të komunave kalon shifrën 35 milionë euro.
“Sot Komunat e Kosovës do të dorëzojnë padinë për mosrespektimin e Kontratës Kolektive ndaj Minisrisë së Arsimit dhe Shëndetësisë ku vlera e dëmit në bazë të vlerësimeve të Asociacionit të Komunave të Kosovës tejkalon shumën mbi 35 milionë euro”, tha Ibrahimi, shkruan teve1.info.
Ai tha se komunat janë detyruar që me mjetet e parapara për investime kapitale të paguajnë punëtorët e arsimit dhe shëndetësisë dhe përmes padisë kërkojnë kthimin e ketyre mjetëve.
“Synimi i komunave është që këto mjete financiare të kthehen në buxhetet komunale, që këto mjetet të shfrytëzohen për investime kapitale në të mirë të qytetarëve”, tha Ibrahimi.
Ai shtoi se ditët në vazhdim mund të ketë edhe komuna tjera që do të dorëzojnë padi./teve1.info/
