Sipas të dhënave të KQZ-së deri më tash janë numëruar mbi 25% e votave të kandidatëve për deputetë.
Nga votat e numëruara nga lista e Vetëvendosjes së partnerëve prin Albin Kurti, i cili ka marrë 88,516 vota. Pas tij ndër më të votuarit janë Glauk Konjufca, Hekuran Murati, Albulena Haxhiu, Donika Gërvalla-Schëarz, Xhelal Sveçla, Hajrulla Çeku, Avni Dehari, Mimoza Kusari-Lila e Ejup Maqedonci.
Në PDK më i votuari është lideri i partisë, Bedri Hamza me 40,317 vota. Pas tij, në top 10 janë edhe Arian Tahiri, ndërsa Përparim Gruda, Uran Ismaili, Sala Jashari, Vlora Çitaku, Arben Mustafa, Enver Hoxhaj e Rrahman Rama.
Kryetari i LDK-së, Lumir Abdixhiku ka marrë 19,120 vota, ndërsa në mesin e 10 kandidatëve më të votuar të kësaj partie janë edhe Hykmete Bajrami, Ukë Rugova, Avdullah Hoti, Doarsa Kica-Xhelili, Kujtim Shala, Anton Quni, Armend Zemaj, Lutfi Haziri e Janina Ymeri.
Tek Aleanca për Ardhmërinë e Kosovës pas Ramush Haradinajt i cili ka marrë 9,912 vota më të votuarit tjerë janë, Daut Haradinaj, Besnik Tahiri, Bekë Berisha, Time Kadrijaj, Burim Ramadani, Agim Çeku, Arbër Tolaj, Arton Demhasaj e Albana Bytyqi.
Sipas rezultateve preliminare, Lëvizja Vetëvendosje me koalicion ka siguruar 56 ulëse në Kuvend. Partia Demokratike e Kosovës ka marrë 23 ulëse, ndërsa LDK-ja 15. Gjashtë ulëse do t’i takojnë AAK-së.
