Sipas një raporti të publikuar të enjten të paktën 1,259 persona, pjesë e stafit të Kishës Protestante të Gjermanisë, kanë kryer abuzime seksuale gjatë dekadave të fundit me të paktën 2,225 viktima.
Martin Wazlawik nga Universiteti i Hanoverit, i cili mbikëqyri studimin mbi dhunën seksuale në Kishën Protestante në Gjermani, i përshkroi shifrat e zbuluara si “maja e ajsbergut”.
Kisha Protestante e Gjermanisë që përfaqëson 19.2 milionë të krishterë protestantë përmes 20 kishave të saj rajonale, shprehu keqardhje për viktimat gjatë prezantimit të studimit në Hanover.
Peshkopi Kirsten Fehrs i Hamburgut njëherësh kreu i Këshillit të Kishës Protestante në Gjermani (EKD), u kërkoi një falje viktimave duke thënë se gjithashtu se edhe vetë kanë qenë fajtorë.
“Si institucion, ne kemi qenë gjithashtu fajtorë për krime të panumërta kundër njerëzve të panumërt,” tha Fehrs.
