Gjatë vitit 2022 janë regjistruar 31 mijë e 420 lindje brenda dhe jashtë territorit të Kosovës, prej të cilave 22 mijë e 632 brenda territorit të Kosovës, raporton teve1.info
Sipas Agjencisë së Statistikave të Kosovës, prej tyre, 51 për qind janë të gjinisë mashkullore kurse rreth 49 për qind të gjinisë femërore.
Sipas këtyre statistikave, të lindur binjak gjatë këtij viti, janë regjistruar 810 foshnje.
Kurse emrat më të shpeshtë ishin Ajla dhe Ajan.
“Agjencia e Statistikave të Kosovës (ASK) publikon Statistikat e Lindjeve për vitin 2022. Në vitin 2022, janë regjistruar 31 420 lindje (brenda dhe jashtë Kosovës). Prej këtyre lindjeve të regjistruara, 22 632 lindje kanë ndodhur brenda territorit të Kosovës, nga të cilat 11 615 janë meshkuj (51.3%) dhe 11 017 janë femra (48.7%). Kurse, jashtë Kosovës janë kryer 8 788 lindje. Të lindur binjak në vitin 2022 (brenda dhe jashtë Kosovës) janë regjistruar 810 foshnje. Më së shumti lindje të gjalla (brenda dhe jashtë Kosovës), ishin sipas grup-moshës së nënës (25-29 vjeç) me 10 671 lindje. Emrat më të shpeshtë të lindjeve në vitin 2022 për femra ishin: Ajla (372 foshnje), Dua (289 foshnje), Bora (259 foshnje), Hana (242 foshnje), dhe Inara (230 foshnje). Emrat më të shpeshtë të lindjeve në vitin 2022 për meshkuj ishin: Ajan (232 foshnje), Noar (217 foshnje), Nil (216 foshnje), Amar (214 foshnje), dhe Troi (211 foshnje)”, thuhet në komunikatën e ASK-së.
