Përveç kësaj ka vënë në paralizë pa energji mbi një milionë shtëpi dhe biznese, duke krijuar situatë alarmante në aeroporte e departamente të zjarrfikësve e policive.
Stuhi e fuqishme u evidentua në Buffalo, e cila ka bllokuar plotësisht qarkullimin dhe ka pamundësuar përpjekjen e urgjencës për t’i dalë në ndihmë.
Sipas agjencisë së motit mëngjesin e së dielës sasia e borës në Aeroportin Ndërkombëtar Buffalo ka arritur 109 centimetra, e cila ka bërë të shtyhen të gjitha fluturimet deri të hënën në mëngjes, raporton AP
Guvernatorja e Nju Jorkut potencoi se stuhia e dimrit që ka goditur vendin mund të jetë një nga më të këqijat në histori.
Ajo shtoi se do t’i kërkonte qeverisë federale të shpallte një gjendje të jashtëzakonshme në Nju Jork, në mënyrë që të rimbursohen kostot e mëdha shtesë të shkaktuara në trajtimin e stuhisë.
Parashikuesit thanë se shkak për ciklon ishte presioni atmosferik i cili kishte rënë shumë shpejt duke shkaktuar një stuhi të fortë kryesisht pranë Liqeneve të Mëdha, i cili nxiti kushtet e stuhisë, duke përfshirë erërat e forta dhe borën./Tëvë1/
