Dhuratat po shpërndahen një e nga një.
E gjitha këto janë për pacientët që përballen me sëmundjen e kancerit në Klinikën e Onkologjisë në Qendrën Klinike Universitare të Kosovës.
Kjo pasi pikërisht në këtë ditë është edhe Dita Kundër Kancerit.
E Arnisa Osmani që është përballur vet me këtë betejë, tregon gëzimin që përjeton nga këto gjeste.
“Pse jo t’i gëzojmë, ato janë vetëm një simbol, nuk është kumedit çka, se unë them për vete dikush një çamçakëz me ma dhënë unë gëzohem, e çka me bë. Kanceri nuk është vetëm diagnozë, kanceri është një gjë që të mbetet në kokë edhe kur të shërohesh) 02:50 –03:04 (Shumë u emocionova nga fjalët e grave dhe burrave seriozisht nuk e prita atë pritje për Arnisën”, ka deklaruar ajo.
Ajo thotë se jeta duhet shijuar dhe për këtë ka edhe një mesazh.
“Nëse e shihni veten që dikush iu pengon që dikush vjen sa për sy e faqe edhe atë e injoroni, më mirë e lexon një libër të shikosh filma sepse unë e bëjë atë, dil edhe vet me dal nuk është keq, shijoje jetën, shumë e thjeshtë”.
Vetëm gjatë vitit 2024 janë regjistruar rreth 2150 raste, numër ky i përafërt edhe me vitin 2023.
“Viti 2024 ne kemi regjistruar rreth 2150 raste përafërsisht numër i njëjtë sa vitin 2023 dhe ky është lajm i mirë, meqenëse fillimi i vitit 2024 ka qene me raste me shume se viti 2023 mirëpo pastaj në muajt në vazhdim kemi pas një rënie të disa patologjive kurse ngritje të disa patologjive të tjera”, ka thënë drejtori i Onkologjisë në QKUK, Ilir Kurteshi.
Kurtishi tha se gjatë vitit 2024 më së shumti kanë dominuar sëmundjet e kancerit të gjirit.
“Ku edhe këtë vit numri i rasteve është më i lartë se vitin e kaluar dhe kemi identifikuar rreth 473 gra me kancer të gjirit dhe 4 burra, ndërkaq vitin 2023 ka qenë 452 raste, pra është për 4-5% më shumë se vitin e kaluar”.
Ndërsa në muajin janar ende nuk janë përpiluar të dhënat mirëpo sipas drejtorit ne raport me pacientët e regjistruar, numri është rreth 2-3 % më i lartë se sa janarin e vitit paraprak.
Ndërsa, Ministria e Shëndetësisë përmes rrjetit social “Facebook” ka treguar se problem vazhdon të mbetet diagnostikimi i vonuar e mungesa e programeve të skriningut.
