Familjarë të shumtë po i presin udhëtarët.
Ka nga mërgimtarët që vijnë më shpesh për pushime në Kosovë.
“Qitash m’ka ra me shpesh me ardhë, n’dy muajt tri herë kam ardhë”, thotë Shkurte morina, banore e Prizrenit.
‘’Një herë, dy herë, tri, qysh t’janë punët. A herën e parë nuk kam qenë dhjetë vjet’’, ka thënë Bajram Latifi, banor i Kushovës.
Ndërsa arsyet e ikjes nga vendi janë kushtet më të mira në vendet e Perëndimit.
‘’Kushtet janë më të mira, stres nuk ki, pare ki ni jetë normale me ba’’, ka deklaruar Selam Guri, banor i Kaçanikut.
E për pushime po vijnë edhe shumë udhëtarë të tjerë.
Sipas zyrës për informim në Aeroportin e Prishtinës, përgjatë muajve Janar-Qershor 2022 kanë qenë 1 milion e 326 mijë e 132 pasagjerë. Ndërkaq, vetëm në dy javët e para të muajit Korrik, numërohen mbi 140 mijë të tillë.
Përgjatë kohës prej dy javësh janë realizuar afër 1100 fluturime.
Ndërsa lidhur me fluturimet nga janari në qershor, ky vit ka afër 3800 fluturime më shumë se vitin e kaluar.
Kronikë e realizuar nga gazetarja Albiona Hajdari