Ministria e Shëndetësisë dhe Komuna e Shtimes kanë nënshkruar memorandum bashkëpunimi për ndërtimin e QKMF-së, në Shtime.
Sipas njoftimit, vlera e këtij projekti është 1 milion e 250 mijë euro dhe do të financohet nga Ministria e Shëndetësisë.
“Sot, Ministri i Shëndetësisë Dr. Arben Vitia dhe kryetari i Komunës së Shtimes, z. Qemajl Aliu nënshkruan memorandumin e bashkëpunimit për ndërtimin e objektit të Qendrës Kryesore të Mjekësisë Familjare. Vlera e këtij projekti është 1 milion e 250 mijë euro dhe do të financohet nga Ministria e Shëndetësisë”, thuhet në njoftim.
Teksa thuhet se përmes këtij investimi do të arrihet përmirësimi i cilësisë në shërbimet shëndetësore dhe rritja e performancës së shërbimeve.
“Ky projekt është në përputhje me politikat e Ministrisë së Shëndetësisë për zhvillimin dhe përmirësimin e infrastrukturës se infrastrukturës së kujdesit shëndetësor.Përmes këtij investimi do të arrihet, përmirësimin i cilësisë në shërbimet shëndetësore, përmirësimin e kushteve për personelin shëndetësor si dhe rritja e performancës së shërbimeve në Kujdesin Parësor Shëndetësor”, thuhet tutje.
Kurse afati i realizimit të projektit sipas këtij Memorandumi është paraparë të arrihet deri në vitin 2025./teve1.info./
