Mbi 1 mijë gjoba janë shqiptuar nga inspektorët për të gjitha ato lokale të cilat nuk kanë respektuar ligjin për duhanin. E gjobat për shkelësit e duhani shkojnë deri në 1 mijë euro. Por ky ligj sipas Shoqatës së Gastronomëve nuk është i duhuri për Kosovën, kështu ata kanë propozuar Ministrisë së Shëndetësisë të ndryshojnë këtë ligj.
Mbrëmjen e së martës, kafeteritë në Prishtinë patën mysafirë jo shumë të dëshiruar.
Tash e disa net, inspektorët e shëndetësisë po bëjnë kontrolle në lokalet në kryeqytet për të parë sa po respektohet ligji për duhanin.
E në ato vend në të cilat pihet duhani brenda, po shqiptohen edhe gjobat.
Njëjtë vepruan edhe të martën, ku 17 kafeteri morën gjoba për shkak se thyen ligjin.
Kryeinspektori në Ministrin e Shëndetësisë, Ibrahim Tërshnjaku dha detaje për këto aksione.
Gjobat ndaj atyre që nuk respektojnë ligjin shkojnë deri në 1 mijë euro.
Por Ligji aktual për Duhanin, sipas Shoqatës së Gastronomeve nuk është i duhuri për Kosovën.
Për këtë nga kjo Shoqatë kërkojnë që të bëhen disa ndryshime në këtë ligj.
Për shkak të mos respektimit të këtij ligji, gjatë këtij viti Qeveria e Kosovës ka themeluar Këshillin ndërministror për Kontroll të Duhanit.
