Sulmuesi Kylian Mbappe do ta bartë numrin 9-të te skuadra e Real Madridit, kanë njoftuar mediumet spanjolle.
Ky numër ka qenë i lirë te Reali prej se është larguar Karim Benzema, ndërsa Mbappe e ka marrë për shkak se numrat 7 dhe 10 janë të zënë nga Vinicius Junior, përkatësisht Luka Modriq.
Francezi 25-vjeçar të hënën mbrëma u zyrtarizua te Real Madridi si transferim i lirë, ndërsa do të prezantohet pas përfundimit të “Euro 2024”.
Mbappe me Real Madridin ka firmosur kontratë deri në vitin 2029, ndërsa do të ketë pagë vjetore prej 50 milionë eurosh, duke përfshirë këtu edhe bonusin që e ka siguruar në vlerë prej 150 milionë eurosh për nënshkrimin e kontratës. Para
Real Madridit, Mbappe karrierë ka bërë edhe te Monaco e Paris Saint-Germaini në Francë. Sezonin e sapopërfunduar, Mbappe ka shënuar 44 gola në 48 paraqitje për PSG-në në të gjitha garat.
