Kombëtarja e Francës do të jetë pa kapitenin e saj të paktën në dy ndeshjet e ardhshme.
Kylian Mbappe nuk do të mungoj vetëm ndaj Holandës por edhe Polonisë, ndeshje këto që Franca i luan në kuadër të Grupit D në “Euro 2024”.
Mediumet franceze kanë raportuar se Mbappe nuk do të jetë gati për ndeshjet e grupit dhe te Franca po shpresojnë që ai të jetë në dispozicion për fazën nokaut.
Mbappe e theu hundën në ndeshjen me Austrinë, të cilën Franca e fitoi me rezultatin 1:0 dhe gjatë Evropianit do të luaj me maskë përpara se t’i nënshtrohet operimit.
Mungesa e Mbappes ka bërë që trajneri Didier Deschamps të mendoj për opsionet tjera në fazën e sulmit.
Gjasat janë të mëdha që Mbappe në dy ndeshjet e grupit të zëvendësohet nga Olivier Giroud por nuk përjashtohet mundësia që edhe Marcus Thuram të zhvendoset nga sulmuesi i krahut në qendërsulmues.