Kylian Mbappe është kthyer te Kombëtarja e Francës, pas mungesës në dy grumbullimet e fundit, për ndeshjet e Ligës së Kombeve.
26-vjeçari Mbappe nuk u ftua për ndeshjet në muajt tetor e nëntor të vitit të kaluar te “Gjelat”, fillimisht për shkak të formës së dobët e më pas për arsye personale.
Përzgjedhësi i Francës, Didier Deschamps e ka konfirmuar rikthimin e kapitenit , i cili ka rigjetur formën me Real Madridin, në muajt e fundit.
Superylli francez i ka realizuar 28 gola në këtë gjitha garat e këtij edicioni.
“Kam biseduar me të dhe mund ta konfirmoj atë çfarë kam thënë edhe javë më parë, Mbappe është kapiteni ynë” ka thënë Deschamps në një përgjigje të shkurtër për rikthimin e Mbappes.
