Sulmuesi Kylian Mbappe, tashmë mund të konsiderohet si futbollist i skuadrës së Real Madridit.
“Marca” ka njoftuar të hënën se Mbappe ka firmosur kontratën me Realin Madridin dhe gjithçka do të bëhet zyrtare në muajin korrik kur edhe sulmuesi francez do të prezantohet te skuadra spanjolle.
Mbappe me Realin ka firmosur kontratë pesëvjeçare dhe do të ketë pagë vjetore prej 20 milionë eurosh.
Ai tek ekipi nga La Liga do të transferohet si lojtar i lirë pasi në fund të këtij edicioni i skadon kontrata me Paris Saint-Germainin.
Në fakt, transferimi i Mbappes do të zyrtarizohet më datën 1 korrik, ndërsa prezantimi i tij do të bëhet mes 14 dhe 23 korrikut. 25-vjeçari do të jetë futbollisti më i paguar te skuadra e Real Madridit.
