Këtë mbledhje e ka kryesuar ministrja e Punëve të Jashtme dhe Diasporës, Donika Gërvalla.
Përmes një postimi në Tëitter, Gërvalla u shpreh se pas sulmit të presidentit rus, Vladimir Putin, epoka e re në Evropë kërkon strategji të re për sigurimin e paqes në kontinent.
“Sonte, unë kam kryesuar mbledhjen e parë të grupit të punës, të krijuar nga qeveria e Kosovës për të rritur përpjekjet tona për anëtarësimin në NATO. Pas sulmit të Putinit, epoka e re në Evropë kërkon një strategji të re për sigurimin e paqes në kontinentin tonë”, shkroi ajo.
Tonight, I've chaired the first meeting of the working group, established by the🇽🇰 government to increase our efforts for @NATO membership.
After Putin's attack, the new era in #Europe requires a new strategy for securing peace in our continent. pic.twitter.com/SMEVmMUVIp
— Donika Gërvalla-Schwarz (@gervallaschwarz) March 9, 2022
Ndryshe, Kreshnik Ahmeti, zëvendësministri i Punëve të Jashtme dhe Diasporës, thotë se në grupin punues për anëtarësimin e Kosovës në NATO janë zyrtarë relevantë.
Në një intervistë për “Ditarin” në Tëvë 1, Kreshnik Ahmeti thotë se detyra e zyrtarëve është që të shtyjnë përpara raportet me NATO-n.
“Detyra e tyre është të shtyjnë përpara raportet me NATO-n synimi ynë është që të jemi sa më parë anëtarë të NATO-s pas situatës së invaZionit rus në Ukranë kemi një situatë të re gjeopolitike që është e tensionuar dhe reflektohet në rajonin tonë. Tashmë anëtarësimi i Kosovës në NATO nuk është në interes të Kosovës por edhe në interes të Evropës”, thotë ai.
Tutje, teksa foli për anëtarësimin e Kosovës në NATO, ai thotë se nuk kanë ndonjë datë përfundimtare të këtij grupi punues.
“Është vështirë t’i vendoset një kohë sepse janë edhe organizmat të ndryshëm, unë i përmenda deri te një thellimi raporteve me NATO-n dhe deri tek anëtërësimi i plotë. Angazhimin do ta bëjmë maksimal por nuk mund ta themi një datë përfundimtare se kur grupi do të jetë i panevojshëm”, tha ndër tjerash ai./teve1.info/
