Mazreku tha se si Byro nuk kanë më probleme të tilla sa i përket numrit të veturave të paregjistruara sepse sipas tij, pas 21 vitesh Agjensioni i Regjistrimit Civil ka bërë pastrimin e databazave të Ministrisë së Punëve të Brendshme.
“Prej sot mund të them që nuk kemi më probleme të mendimeve të ndryshme e sa vetura janë në data bazë për arsye se për herë të parë pas 21 vitesh Agjensioni i Regjistrimit Civil, ka marrë veprime që qe 3 vite i kemi kërkuar e që ka qenë pastrimi i databazave të MPB-së”, tha ai.
Tutje ai në “Info Nata” theksoi se shifra prej 5% është në favor të Kosovës, për t’u përdorur në takimin që do të mbahet në Bruksel muajin e ardhshëm.
“Sot e kemi pasë një tryezë ku janë prezantuar këto të dhëna dhe dhe përfundimisht ajo çka më ka gëzuar më së shumti është që nuk kemi dalë me një shifër e cila shkon në 12, 13, 17%, mirëpo është fiks 5%, aq sa edhe neve na konvenon dhe na nevojitet që ta përdorim në takimin e radhës që do ta kemi në Bruksel në muajin e ardhshëm”, tha Mazreku.
Një gjë të tillë e ka bërë të ditur edhe gjatë ditës së djeshme zëvendësministri i Infrastrukturës, Hysen Durmishi, i cili tha se nga 35% sa ishte më parë numri i automjeteve të paregjistruara në Kosovë, tashmë ka rënë në 5%./teve1.info/.
