Në “Eurobasket 2025” po shkruhet një kapitull i veçantë për basketbollin finlandez, ku njëri nga protagonistët kryesor është shqiptari Edon Maxhuni.
Finlanda ka arritur në gjysmëfinale të këtij turneu, ndërsa Maxhuni krahas paraqitjeve të mira ka treguar edhe saktësi të lartë në gjuajtjet nga distanca.
Kur jemi në fazën e fundit të Eurobasketit, Maxhuni i prinë listës së basketbollistëve në gjuajtjet për tri pikë.
Me 57.1 % efikasitet nga vija e treshes, Maxhuni është kthyer në armën kryesore të Finlandës që është vetëm një fitore larg finales së madhe.
Krahas këtij efikasiteti në gjuajtjet nga distanca, Maxhuni në Eurobasket po luan me një mesatare prej 8.6 pikëve për ndeshje për të konfirmuar formën fantastike.
Finlanda, të premten prej orës 16:00 përballet me Gjermaninë në gjysmëfinalen e parë, ndërsa gjysmëfinalja e dytë, do të luhet nga ora 20:00 ku takohen Greqia dhe Turqia.
