Kësaj kërkesë, MASHT-i i është përgjigjur duke thënë se mësimi vazhdon sipas kalendarit të cilin e kanë publikuar ditë me parë, shkruan Teve1.info
“Ministrja e Arsimit, Shkencës, Teknologjisë dhe Inovacionit znj.Arbërie Nagavci i ka kthyer përgjigje kërkesës së Kryetarëve të Komunave lidhur me formën dhe mënyrën e kompensimit të orëve mësimore të humbura gjatë ditëve të grevës së punonjësve arsimor në Republikën e Kosovës. Sipas saj, mësimi vazhdon të mbahet sipas kalendarit të MASHTI-it të cilin e kanë publikuar ditë më parë”, thuhet në njoftim.
Po ashtu, nga MASHT-i i kanë thënë Komunave se kompensimi i orëve të humbura të bëhet duke i shtuar nga 5 orë brenda javës, praktikisht dhe teknikisht është e pamundur të realizohet një gjë e tillë.
“‘Sa i përket propozimit tuaj që kompensimi i 22 ditëve të humbura të bëhet duke shtuar nga 5 orë Brenda javës për çdo nxënës, ju njoftojmë se praktikisht dhe teknikisht është e pamundur të realizohet një gjë e tillë, si nga aspekti pedagogjik, ashtu edhe ai logjistik. Në këtë mënyrë, do të zgjatej dita e punës në shkolla, gjë që do të shkaktonte çrregullime në shkollat që punojnë në dy ndërrime, si dhe do të shkaktohej një barrë shtesë psikologjike e emocionale për fëmijët’”, thuhet më tej në njoftimin e Asociacionit të Komunave të Kosovës. /teve1.info/
Postimi i plotë:
