Ministria e Arsimit, Shkencës, Teknologjisë dhe Inovacionit, të martën ka publikuar rezultatet e afatit të dytë, të provimit shtetëror të maturës.
Sipas rezultateve, nga 4476 maturantë sa i janë nënshtruar testit, vetëm 2726 maturantë apo 60.9% e kanë kaluar atë.
ADVERTISEMENT
“Rezultatet e testit tashmë janë shpërndarë në shkolla, ndërsa afati i ankesave është deri më 6 shtator.MAShTI falënderon të gjithë të përfshirët në procesin e mbajtjes së Provimit Shtetëror të Maturës për kontributin dhe bashkëpunimin e tyre”, thuhet në njoftim.
Ndryshe, në afatin e parë, provimin e kanë kaluar 13,342 maturantë apo 73.3% e tyre, nga 18,285 mijë nxënës të klasave të 12-ta sa kishin marrë pjesë./teve1.info/
