Dyshohet që shërbimet e inteligjencës serbe kanë planifikuar të vrasin. Por kjo nuk ishte e tëra.
Sipas ish-raportuesit në Këshillin Evropës, Dick Marty, kjo vrasje më pas do t’iu faturohej kosovarëve.
BIA serbe një të gjë të tillë e ka mohuar.
Por nga kjo ngjarje nuk është befasuar Profesori nga Westminster University, Aidan Hehir, i cili thotë se Serbia është e njohur për këso skenarësh.
“Lajmi për Dick Martyn nuk ishte befasi për mua, duke parë se çfarë klase politike e ka udhëhequr Serbinë në 10 vitet e fundit. Serbia edhe në të kaluarën ka tentuar përmes skenarëve të ndryshëm që të destabilizoi Kosovën. Aleksander Vuçiq po krijon një regjim autoritar në Serbi”, ka deklaruar Hehir.
Profesori, shqetësuese e sheh edhe heshtjen bllokut evropian karshi Serbisë.
Ai thotë se shumë personalitete nga Bashkimi Evropian nuk e kanë guximin të kenë sjellje më të ashpër me Serbinë.
“Zvicra nuk dëshiron që të krijoj tension, por heshtja e Bashkimit Evropian në raport me Serbinë është shqetësuese. Nuk është vetëm ky rast. Serbia është përpjekur haptazi që ta destabilizoi Malin e Zi, Maqedoninë e Bosnje e Hercegovinën. Është për keqardhje që shumë personalitete ne Bashkimin Evropian nuk kanë guximin të kenë sjellje më të ashpër me Serbinë”, ka shtuar Hehir.
Dick Marty vite më parë ka bërë një raport, ku pretendonte se ushtarë të UÇK-së kanë kryer krime gjatë luftës dhe në bazë të këtij raporti është ngritur Gjykata Speciale ku sot po gjykohen ish-krerët e UÇK-së. /teve1.info/
Raporti i gazetarit Shpat Blakçori.
