Sulmuesi Anthony Martial ka gjasa të mëdha që karrierën ta vazhdojë në futbollin italian.
“Tuttosport” ka shkruar të premten se francezi pritet t’i bashkohet skuadrës së Juventusit në verë.
Mësohet se 27-vjeçari përfundimisht do të largohet nga Manchester Unitedi për shkak të hapësirës së vogël këtë sezon dhe drejtuesit e klubit kanë marrë vendim ta nxjerrin në shitje.
Juventusi thuhet se ka arritur marrëveshje në parim me Martialin dhe po negocion me Unitedin, ekip që për ta lënë të lirë po kërkon mbi 10 milionë euro.
Ai ka kontratë me ekipin anglez deri në vitin 2024 me opsionin e vazhdimit edhe për një vit tjetër, ndërsa ka sezonin e shkuar ishte i huazuar te Sevilla.
Këtë edicion, Martial ka 6 gola e 2 asistime në 16 ndeshje të luajtura në të gjitha garat.