Olympique Marseilles ka fituar ndeshjen e stërgjatur ndaj Sportingut në “Velodrome” me shifra 4:1. Ndeshja e parparë të zhvillohet nga ora 18:45, nisi në ora 19:07, pasi skuadra portugeze nuk ka arritur me kohë në stadium, shkak trafikut të ngarkuar në qytetin francez.
Kjo shkaktoi nervozizëm tek tabori i skuadrës franceze, ku trajneri kroat Igor Tudor i ka bërtitur përgjegjësve të UEFA-së, duke u thënë që kjo është një sfidë e Ligës së Kampionëve, e jo ndeshje amatore e futbollit. Përgjegjësit nuk i janë përgjigjur Tudorit.
Sporting nuk lejoi që vonesa e fillimit të ndikojë tek ata pasi Francisco Trincao në mënyrë të shkëlqyeshme ktheu topin përtej Pau Lopez për t’i dhënë epërsinë skuadrës së tij me më pak se 60 sekonda në orar.
Megjithatë vendasit reaguan shpejtë, pasi qysh në minutën e 13’ me Alexis Sanchez barazuan në 1:1.
Kurse vetëm tre minuta me pas Marsielle dyfishuan epërsinë Amine Harit për 2:1.
Ndërkaq portugezëve iu vështirësuan minutën e 23’, ku mbetën me 10 lojtarë, pasi portieri Adan u ndëshkua me karton të kuq.
Pesë minuta më vonë, Balerdi shënoi për 3:1, gol ky që vulosi rezultatin e pjesës së parë.
Në pjesën e dytë Marseille administroi mirë epërsinë dhe arriti që në minutën e 84’ madje të shënonte edhe një herë. Rezultatin final e vulosi goli i Mbemba, i shënuar në minutën e 84’ të takimit.
Me këtë fitore, Marseille merr tri pikët e para në Ligën e Kampionëve, kurse Sporting mbetet me gjashtë pikë.