Në Riad, janë takuar për bisedime të nivelit të lartë, delegacioni amerikan dhe ai rus, të cilët pas takimit dhanë deklarata për media ku e përshkruajtën takimin si konstruktiv.
Departamenti i shtetit Amerikan pastaj ka dalë me një deklaratë ku thuhet se palët kanë arritur të merren vesh për katër pika të rëndësishme:
“Krijimi i një mekanizmi konsultimi për të adresuar pengesat në marrëdhëniet tona dypalëshe me objektivin e ndërmarrjes së hapave të nevojshëm për normalizimin e funksionimit të misioneve tona diplomatike përkatëse.
Emërimi i ekipeve përkatëse të nivelit të lartë për të filluar punën në një rrugë për t’i dhënë fund konfliktit në Ukrainë sa më shpejt të jetë e mundur në një mënyrë që të jetë e qëndrueshme dhe e pranueshme për të gjitha palët.
Vendosja e bazave për bashkëpunimin e ardhshëm në çështjet me interes të ndërsjellë gjeopolitik dhe mundësitë historike ekonomike dhe investuese që do të dalin nga një përfundim i suksesshëm i konfliktit në Ukrainë.
Palët në takimet e sotme zotohen të mbeten të angazhuara për t’u siguruar që procesi të ecë përpara në kohën e duhur dhe produktive.”
Ata kanë falënderuar edhe Mbretërinë e Arabisë Saudite për pritjen e palëve për diskutim, dhe rolin ndërmjetësues që ka marr përgjatë këtyre negociatave./teve1/
