Në një kanal televiziv ukrainas 1+1 , Vadym Boychenko tha se trupat e Moskës kanë ndaluar evakuimet e civilëve nga qyteti port, duke i penguar mijëra të ikin nga beteja.
“Ka pasur shkatërrim kolosal të infrastrukturës së banimit, ka shumë të plagosur dhe fatkeqësisht shumë civilë të vdekur, gra, fëmijë, të moshuar,” tha Boychenko. “Një gjenocid në shkallë të plotë i popullit ukrainas është duke u zhvilluar.”
“Duhet të kuptoni se forcat pushtuese të Federatës Ruse kanë bërë gjithçka për të ndaluar daljen e civilëve nga qyteti ynë me gjysmë milioni banorë. Lidhja jonë hekurudhore është ndërprerë – ata madje shkuan në stacionin hekurudhor dhe qëlluan në lokomotivat tona me naftë, në mënyrë që njerëzit të mos mund të evakuohen. Pra, misioni i tyre është të na shkatërrojnë, ata nuk kanë ndërmend të ndihmojnë civilët”, ka thënë Vadym Boychenko, përcjellë teve1.info.
Në një vend strategjik gjendet edhe qyteti i Mariupolit, ku kanë ndarë forcat ruse në gadishullin e aneksuar të Krimesë nga trupat separatiste në Ukrainën lindore.
