Nga Qeveria e Maqedonisë së Veriut kanë njoftuar se në mbledhjen e mbajtur të dielën kanë marrë tre vendime në lidhje me tragjedinë në Koçan.
Në mesin e tyre është edhe shpallja e 7 ditë zie shtetërore.
“ Shpallëm 7 ditë zie shtetërore në nderim të viktimave. Ngarkuam Inspektoratin Shtetëror të Tregut që, brenda tre ditëve të ardhshme, të kryejë mbikëqyrje të jashtëzakonshme në kabaretë, klubet e natës dhe diskotekat në gjithë vendin, duke raportuar menjëherë tek Qeveria mbi gjetjet. Aktivizuam mekanizmin e asistencës ndërkombëtare për mbështetje në këtë situatë të rëndë për vendin. Jemi të përkushtuar për të siguruar drejtësi dhe mbështetje për të prekurit nga kjo tragjedi”, thuhet në njoftimin e Qeverisë.
