Maqedonia e Veriut dhe Portugalia do të luajnë në finale të play-offit, për të siguruar një vend në Kampionatin Botëror.
Maqedonia e Veriut ka bërë një nga befasitë më të mëdha në histori, duke e lënë Italinë jashtë Kampionatit Botëror, pasi fituan me rezultat 1-0. Italia edhe pse dominoi dhe kishte disa raste, nuk ia arriti të shënojë në pjesën e parë.
Domenico Berardi dhe Ciro Immobile kishin nga dy raste në 45 minutat e para, por që nuk ishte të saktë. Edhe në pjesën e dytë Italia kishte më shumë nga loja.
Berardi kishte dy raste të mira në minuat 54’ dhe 58’, por në të dyja rastet topi shkoi ngjitur me shtyllën. Në minutën e 63-të, Ezgjan Alioski ndali një top që po shkonte drejt portës duke shpëtuar një gol të sigurt.
Giacomo Raspadori ishte ai që kishte rast në minutën e 79-të, por goditja e tij nga distanca shkoi mbi portë. Kur pritej që ndeshja të shkonte në vazhdime, në skenë doli Aleksandar Trajkovski që më një goditje të fuqishme nga distanca shënoi për 1-0. Italia mbetet jashtë nga Kampionati Botëror, duke e eliminuar në play-off.
Ndërkohë,Portugalia ka arritur të mposht Turqinë me rezultat 3-1 në ndeshje gjysmëfinale të play-offit. Ndeshja nisi mirë për Portugalinë që kaluan në epërsi në minutën e 15-të të ndeshjes.
Otavion shënoi nga afër pas një topi të kthyer nga portieri për 1-0. Para se të mbyllej pjesa e parë në skenë doli Diogo Jota që shënoi me kokë për 2-0.
Turqia hapi ndeshjen në pjesën e dytë, kur shënuan në minutën e 65-të. Ishte Burak Yilmaz ai që gjeti rrjetën për 2-1.
I njëjti lojtar ka mundur të barazojë rezultatin në minutën e 83-të, por gjuajti jashtë nga pika e bardhë.Mende shënoi krejt në fund për 3-1.
Deri në fund nuk kishte më gola dhe Portugalia shkoi në finale për të pritur fituesin e ndeshjes, Italia – Maqedoni e Veriut.
