Në janar të këtij viti ministri i mbrojtjes, Ejup Maqedonci udhëtoi për në Amerikë, ku vizitoi Departamentin e Mbrojtjes.
Atje, ministri arriti një ujdi me Shtetet e Bashkuara të Amerikës në fushën e mbrojtjes.
Kjo nismën për lidhje të Marrëveshje Kornizë për bashkëpunim në fushën e mbrojtjes me SHBA-në u miratua të mërkurën në mbledhjen e qeverisë.
Në një intervistë për Tëvë1, Maqedonci ndau detaje të marrëveshjes Kosovë-SHBA, e cila prek shumë pika në ngritjen e kapaciteteve ushtarake duke përfshirë edhe përkrahjen e Amerikës drejt anëtarësimit në NATO.
“Kjo marrëveshje gjithashtu, parasheh mbështetjen që do ta kemi nga Shtetet e Bashkuara të Amerikës, për anëtarësim në NATO, në iniciativat regjionale, por edhe për bashkë-zbarkimet të ndryshme jashtë vendit. Mes tjerash është e theksuar aty që do të kemi mbështetjen teknike përmes këshillimit nga Shtetet e Bashkuara të Amerikës, drejt anëtarësimit të Kosovës në NATO, jo vetëm në NATO por edhe iniciativat regjionale”, ka deklaruar ai.
Veçanti e kësaj ujdie shihe blerja e helikopterëve dhe ardhja e anti-tankeve “Javeline” këtë vit.
“Kjo marrëveshje parasheh edhe se si do të ndërtohen bashkërisht disa nga kapacitet shumë të veçanta dhe të rëndësishme për Republikën e Kosovës siç janë ato të mbrojtjes ajrore pra të kapacitete të cilat që kanë synim mbrojtjes ajrore të territorit të Kosovës, dhe gjithashtu të artilerisë por gjithashtu mbështetjen ajrore që nënkupton helikopterëve dhe kapaciteteve të tjera që ofrojnë mbështetje për trupat në luftim”.
Kjo marrëveshje përfshinë edhe përkrahjen e Shteteve të Bashkuara të Amerikës, në hapjen e fabrikave për prodhim të armëve, komponentëve të armëve dhe municioneve.
Ministri tha që plani për ndërtimin e fabrikës së municionit është në pjesën perëndimore të vendit, jashtë rrezes së veprimit të rrezikut që mund të vjen nga Serbia.
“ Në industrinë ushtarake që është shumë e rëndësishme për neve që bashkë me Shtetet e Bashkuara të Amerikës, të lehtësojmë aspektin e bashkë-investimeve për hapjen e fabrikave për prodhimin e armëve, komponentëve të armëve dhe municioneve që normalisht është kërkesë imediate për gjithë botën, për arsyeje të mungesave të sistemeve të armatimit në stoqet e edhe të vendeve të NATO-s, kjo është kërkesë e saktësuar nga presidenti Trump”.
E vendi ynë kohëve të fundit është përballë me lajme të rreme, dezinformata e sulme kibernetike. Për gjitha këto i pari i Mbrojtjes, thotë se do të ndërtohen strategji në luftimin e tyre.
“Shtetet e Bashkuara të Amerikës do të mbështesin republikën e Kosovës dhe bashkërisht do të ndërtojmë qëndrueshmëri strategjike si në aspektin e Mbrojtjes Kibernetike kur dihet që tashmë lajmet e rreme, sulmet kibernetike janë bërë përditshmëri dhe mjet që po përdoret nga akterët që nuk ia dojnë të mirën as paqes as stabiliteti në regjion por as vet Shteteve të Bashkuara të Amerikës. Dy vitet e fundit vendi ynë po përballet me sulme kibernetike dhe lajme të rreme që synojnë destbalizimin e vendit tonë”, tha ai.
Tutje Maqedonci tha se do ta respektojnë zotimin e autoriteteve të vendit, të bërë në vitin 2023, për të mos e dislokuar FSK-në në veri pa koordinim paraprak me KFOR-in, por theksoi se nuk pajtohen me këto kufizime.
Maqedonci tha të mërkurën se kanë marrë konfirmimin që trupat amerikane do të jenë prezentë në Kosovë përmes KFOR-it, madje sipas tij, po diskutojnë me SHBA-në për prezencë ushtarake edhe jashtë këtij mandati.
