Ministri në detyrë i Mbrojtjes, Ejup Maqedonci, është takuar me nënkolonelin Mike Butler, ku temë diskutimi ka qenë operacioni Interflex.
Maqedonci, ka bërë të ditur se ky operacion përbën misionin më të rëndësishëm aktual të FSK -së jashtë vendit.
“Në një takim produktiv, diskutuam rreth aktiviteteve të cilat janë duke u zhvilluar bazuar në planin bilateral ndërmjet shteteve, operacionin Interflex që përbën misionin më të rëndësishëm aktual të FSK -së jashtë vendit, e po ashtu duke njohur potencialin e ushtrisë sonë temë diskutimi ishte dhe zgjerimi i bashkëpunimit në drejtime të reja, ashtu që ushtria jonë si Forcë profesionale t’i kontribuoj paqes përtej kufijve tanë shtetëror”, ka shkruar ai në një postim në Facebook.
Tutje, ai tha se Mbretëria e Bashkuar ka qenë partner i rëndësishëm për Kosovën në secilën etapë të shtetëndërtimit.
“Mbretëria e Bashkuar në secilën etapë të shtetndërtimit të Republikës së Kosovës ka qenë partner i rëndësishëm dhe tejet mbështetës në ngritjen e kapaciteteve humane, logjistike e ligjore të secilit sektor, veçanërisht ky shtet ka dhënë kontribut jashtëzakonisht të vyer në fushën e sigurisë dhe mbrojtjes”, ka shkruar ai mes tjerash./teve1.info/
